
VIÐ KUNNUM OKKAR FAG
GÖTULJÓSASTÝRINGAR
Sveitarfélög og stærri fyrirtæki með eigin götulýsingarkerfi þurfa að tryggja skilvirka stjórn á lýsingu — að ljós kvikni í myrkri og slokkni þegar birtir. Með aukinni áherslu á sjálfbæra orkunýtingu er mikilvægt að geta stýrt orkunotkun af meiri nákvæmni en áður.
Stjórnkerfi götulýsingar þarf að vera sveigjanlegt og bjóða upp á fjölbreyttar stillingar. Það þarf að vera einfalt að kveikja og slökkva á lýsingu við viðhaldsvinnu að degi til og halda utan um allar breytingar. Kerfið okkar veitir fullkomna yfirsýn yfir allan búnað, ásamt sveigjanlegum stillingarmöguleikum sem tryggja hámarksnýtni og hagkvæman rekstur.
Þjónusta Vista fyrir götuljósastýringar
Vista býður upp á fullkomin götuljósakerfi sem uppfylla ströngustu gæðakröfur. Kerfin eru hönnuð af reyndum sérfræðingum með mikla reynslu í þróun og uppsetningu götulýsingar.
Sveigjanleg hönnun kerfanna styður allar helstu fjarskiptaleiðir, þar á meðal GSM, NB-IoT og LoRaWAN, sem tryggir örugga og áreiðanlega virkni. Með þessari snjallljósastýringu er sérstök áhersla lögð á að lágmarka ljósmengun og hámarka orkunýtni.
Kerfið býður upp á nákvæma stjórnun, hvort sem um er að ræða staka lampa eða heildarstýringu á götuskápum, sem veitir notendum fullkomna yfirsýn og stjórn.
Frá klukku og ljósnema yfir í snjalla stýringu
Víða er götulýsingu enn stýrt með klukkurofum eða ljósnemum í hverjum götuskáp. Ljósin kvikna og slokkna, en sveitarfélagið hefur litla yfirsýn yfir hvað gerist þess á milli. Bilanir uppgötvast oft ekki fyrr en íbúar tilkynna þær, og ljósin loga á fullum styrk alla nóttina, líka þegar umferð er nánast engin.
Mosfellsbær, viðskiptavinur okkar, hefur nú tekið upp miðlæga stýringu og vöktun á allri götulýsingu bæjarins með lausn frá norska fyrirtækinu Datek. Datek stýrieiningar hafa verið settar í yfir 40 götuskápa. Með kerfi Datek er nú hægt að stýra öllum götuljósum í Mosfellsbæ á einfaldan hátt úr einu viðmóti. Hægt er að stýra heilum götuskápum eða stökum ljósastaurum, og birtu má stilla fyrir hvern skáp eftir forskrift eða með ljósskynjurum. Til dæmis má lækka birtu í íbúðahverfum á þeim tímum nætur þegar fáir eru á ferli, en halda fullri lýsingu við gangbrautir, skóla og stofnbrautir.
Hentar íslenskum aðstæðum
Birtuskilyrði á Íslandi eru óvenjuleg. Í skammdeginu loga götuljós stóran hluta sólarhringsins, en á sumrin er lýsing nánast óþörf. Sveigjanleg stýring sem tekur mið af sólarupprás, sólsetri og raunverulegri birtu tryggir að ljósin séu kveikt þegar þeirra er þörf, og aðeins þá. Stýrð lýsing getur líka dregið úr ljósmengun, sem skiptir máli fyrir íbúa og ferðaþjónustu þar sem myrkur og norðurljós eru hluti af upplifuninni.
Vöktun sem sparar orku og vinnu
Kerfið vaktar búnaðinn stöðugt og lætur vita ef bilun kemur upp. Í stað þess að senda starfsmenn í eftirlitsferðir eða bíða eftir ábendingum frá íbúum fær rekstraraðilinn tilkynningu um hvar bilunin er. Þannig má skipuleggja viðhald betur, bregðast fyrr við og auka öryggi vegfarenda.
Stöðug vöktun gefur einnig upplýsingar um orkunotkun einstakra skápa og hverfa. Þær nýtast til að greina frávik, meta árangur af orkusparnaðaraðgerðum og styðja við ákvarðanir um endurnýjun búnaðar. Samspil LED-lampa og deyfingar eftir þörfum getur skilað umtalsverðum orkusparnaði og lengt líftíma lampanna.
Hvað þýðir þetta fyrir sveitarfélög?
Fyrir stjórnendur sveitarfélaga snýst snjöll götulýsing um betri nýtingu fjármuna, betri þjónustu við íbúa og markvissara viðhald. Reynsla Mosfellsbæjar sýnir að innleiðing getur gengið hratt fyrir sig með því að setja stýrieiningar í núverandi götuskápa, án þess að skipta þurfi út allri lýsingu í einu.
Áskoranir í götulýsingum
Lausnir
Samstarfsaðili Vista er norska fyrirtækið Datek sem hefur áralanga reynslu af stýringu götulýsingar. Kerfi fyrirtækisins eru í notkun hjá fjölda sveitarfélaga og vegahaldara í Noregi, við aðstæður sem líkjast þeim íslensku á margan hátt.
Lausn Datek er skýjalausn sem styður við stækkun bæja og borga. Nýir götuskápar og ljósastaurar bætast við kerfið eftir því sem ný hverfi byggjast upp. Sveitarfélagið þarf ekki að reka eigin netþjóna og getur byrjað á stýringu á skápastigi en síðar bætt við stýringu á einstökum ljósastaurum, til dæmis þegar lampar eru endurnýjaðir.
Þekking Vista á þessu sviði
Vista hefur áralanga reynslu af stýri- og vöktunarkerfum fyrir sveitarfélög, veitur og stofnanir um allt land. Vista þekkir íslenskar aðstæður og getur aðstoðað sveitarfélög við að meta stöðu núverandi götulýsingar, skipuleggja innleiðingu í áföngum og tryggja að kerfið vaxi með byggðinni.
Við sjáum um uppsetningu og aðra þjónustu eftir samkomulagi. Heyrðu í okkur til að kanna hvað við getum gert fyrir þig:
vista@vista.is eða í síma 587-8889.






