ORKUEFTIRLIT

Þegar rekstaraðilar eru spurðir út í rekstrarkostnað og hverju sé erfiðast að fylgjast með, er orkukostnaður algengt svar. Ástæðan er einföld; orkunotkun er í flestum tilfellum ósýnileg og það sést ekki þegar hún fer forgörðum.

Orkueftirlit snýr að því að nota orku skynsamlega og að minnka sóun. Orka í þessu sambandi er raforka, heitt vatn og kalt vatn. Með síritun er fylgst með því að nýtni hitakerfa sé eðlileg, að snjóbræðslukerfi séu notuð skynsamlega og að sjálfvirk kerfi gangi hæfilega. Munurinn á orkukostnaði í vel reknu húsi og öðru sem ekki er sérstaklega fylgst með, getur verið allt að 50%!

Annar tilgangur orkueftirlits er að lesa sjálfvirkt á frádráttarmæla fyrir rafmagn og heitt vatn til að einfalda uppgjör á orkukostnaði sem deilist á marga aðila.

Loks má nefna að með því að sírita raforkunotkun má af öryggi velja þann raforkutaxta sem gefur lægstan kostnað.

Orkueftirlit Vista notar fjölbreyttar lausnir til að fylgjast með orkunotkun. Mæligögn eru flutt sjálfvirkt á orkuvef Vista þar sem auðvelt er að fylgjast með rauntímaástandi kerfa og skoða langtímasögu. Vista veitir ráðgjöf varðandi orkunotkun og hvernig megi lagfæra kerfi sem eru kostnaðarsöm. Með einföldum aðgerðum er hægt að spara umtalsverðar upphæðir og koma í veg fyrir orkusóun.

Heyrðu í sérfræðingi okkar

Heiðar Karlsson – heidar@vista.is